шоғырландыру ауданы

(Район сосредоточения)

әскерлер шоғырланатын (орналасатын) аймақ. Ш. а. барлық ұрыс әрекеттерінде құрамалар мен бөлімдер үшін, сондай-ақ бейбіт уақытта да тағайындалуы мүмкін. Ш.а. жаппай жою қаруынан қорғану үшін ыңғайлы, әскерлердің орналасуына және олармен тез маневр жүргізуіне қолайлы орындарында таңдалады. Ш.а-нда әскерлер ұрыс жүргізуге тез дайындала алатындай немесе орналасқан аудандарынан шығып кете алатындай болып бөлімшелер бойынша бытыраңқы түрде орналасады. Қосалқы шоғырландыру аудандары да белгіленеді.